მე-9 მეცადინეობა

თემა: ნახატებით მოთხრობილი ამბები

მოსწავლეებმა განიხილეს ნახატებით მოთხრობილი სახალისო ამბები, რომლის პირველი შემქმნელი მხატვარი იყო შვეიცარიელი რუდოლფ ტოფფერი იყო, მოგვიანებით კი ამერიკელმა მხატვარმა და რეჟისორმა უოლტ დისნეიმ შექმნა კომიქსების პირველი კრებული მიკი მაუსსა და მის მეგობრებზე.

მე-8 მეცადინეობა

დღევანდელი შეხვედრის თემა: ჩემი ოჯახი
მოსწავლეებმა შეადგინეს ოჯახური თაიგული, ყვავილის ფურცლებში ჩაწერეს ოჯახის წევრების  ვინაობა,  ერთმანეთს უამბეს თავიანთი ოჯახის საყვარელ წევრებზე. დახატეს მათი პორტრეტები და გაუზიარეს ერთმანეთს.

მე-7 მეცადინეობა

  საწრეო შეხვედრის თემაა: ავტოპორტრეტი
მოსწავლეებმა ისაუბრეს პორტრეტის/ავტოპორტრეტის შესახებ; შემდეგ დახატეს; კმაყოფილები დარჩნენ თავიანთი ნამუშევრებით, გააცნობიერეს რას ნიშნავს ავტოპორტრეტი და გააკეთეს პრეზენტაცია.

მე-6 შეხვედრა

დღევანდელი შეხვედრაზე შექმნეს პარკისა და ატრაქციონის პროექტი იუსტლრაციებზე დაყრდნობით, ჯერ შექმნეს გეგმა და ცალკეული ობიექტების წინასწარი ესკიზები, გეგმის მიხედვით შექმნეს პარკის მაკეტი პლასტელინის, მუყაოსა და სხვა მასალების გამოყენებით და მოაწყვეს პრეზენტაცია.

მე-5 მეცადინეობა

დღევანდელ შეხვედრაზე მოსწავლეებმა წარმოიდგინეს გათენების სურათი ,,დილა", თუ როგორ იფანტება ღამის სიბნელე, თანდათანობით ეპარება ბნელს ნათელი, ცის კიდეს სინათლე ეფინება, ამოდის მზე...
სცადეს მათთვის სასურველი მასალით შეექმნათ ნამუშევარი, გამოიყენეს სათანადო რესურსები: ფერადი ფანქრები, ცარცები, პასტელი ან აკვარელი.